ГлавнаяНовости – 24 октября 2017

R-500 па-беларуску

R-500 па-беларуску

Амаль 500 гадоў таму 31 кастрычніка 1517 года Марцін Лютар разаслаў свае знакамітыя 95 тэзісаў мясцовым біскупам, каб яны выступілі супраць індульгенцыяў, і прыбіў іх да дзвярэй царквы ў Вітэнбэргу. Гэта падзея лічыцца афіцыйным пачаткам Рэфармацыі ў Еўропе.

Нездарма нямецкі філёзаф Георг Гегель назваў Рэфармацыю сэнсам гісторыі Новага Часу, а ангельскі гісторык Джэймс Фруд - «завесамі, на якіх трымаецца ўся сучасная гісторыя». Аднак Рэфармацыя мае дачыненьне ня толькі да Заходняй Эўропы. Яна - частка гісторыі Беларусі.

Гэты рух зрабіў значны ўплыў на духовае жыцце грамадзтва. Шмат выдатных дзеячаў Беларусі XVI ст. зьяўляліся вернікамі пратэстанцкіх цэркваў, або знаходзіліся пад моцным уплывам рэфармацыйных ідэй. Дастаткова назваць Мікалая Радзівіла Чорнага, Астафея Валовіча, Сымона Буднага, Васіля Цяпінскага, Цыпрыяна Базыліка, Андрэя Рымшу, Льва Сапегу, Салямона Рысінскага і інш. 

Значнай падзеяй у жыцьці Беларусі ХVІ ст. было зьяўленьне і разьвіцьцё кнігадрукаваньня. У ХVІ ст. у Вялікім Княстве было выдадзена 324 кнігі на беларускай, летувіскай, лацінскай, польскай і царкоўнаславянскай мовах. Галоўную ролю адыграў у гэтым Францішка Скарына, які на працягу 1517-1519 гг. у Празе надрукаваў больш за 10 тысячаў біблійных кнігаў. 

Рэфармацыя ў Беларусі прынесла значныя змены ў адукацыі. Яна дала магчымасьць вялікай колькасьці беларусаў атрымаць веды ў сябе на радзіме. Адзін з галоўных прынцыпаў Рэфармацыі -патрабаваньне да кожнага хрысьціяніна чытаць Біблію, бо толькі Біблія дае  веды пра веру і Бога, і толькі яна зьяўляецца асноваю хрысьціянства. У выніку шырокае распаўсюджваньне Рэфармацыі суправаджалася ня толькі будаўніцтвам збораў, а іх паўстала каля 300, але і адкрыцьцём пачатковых школаў пры новаўтвораных цэрквах.

Рэфармацыя зьмяніла падыход людзей да працы, адкрываючы, што сапраўднае прызначэнне хрысьціяніна заключаецца ў служэньні Богу праз служэньне бліжняму. Вера павінна выражацца ў канкрэтнай дзейнасьці ў сьвецкім жыцьці.

Тое, што падаецца сьвецкай працай, зьяўляецца на самай справе праслаўленьнем Бога і ёсьць тою пакораю, якая так прыемная Яму. Марцін Лютар

Рэфармацыя зьмяніла яшчэ і палітычнае аблічча Эўропы. Прынцыпы дэмакратыі, такія як выбарнасьць прадстаўнікоў улады, падзел і падкантрольнасьць розных галінаў улады і г. д. рэалізаваліся ў пабудове цэркваў кальвінскага вызнаньня, а пасьля ў некаторых гарадах і дзяржавах, якія прынялі вучэньне Жана Кальвіна. Ідэі Рэфармацыі далі пачатак таксама такім паняцьцям, як правы і свабоды чалавека.

Адным з базавых прынцыпаў, на якіх засноўвалася беларускае заканадаўства ХVІ ст., была роўнасьць усіх перад законам, якая вынікала з роўнасьці ўсіх перад Божым законам. Для беларускіх рэфарматараў свабода - гэта такі стан чалавека, калі яго паводзіны ў грамадзтве вызначаюцца не ягонымі жаданьнямі (што хачу, тое і раблю), але вызначаныя рамкамі закону. У выніку гэтага з’явіўся Статут ВКЛ 1588 г., які лічыцца шэдэўрам беларускай юрыдычнай думкі.

Стагодзьдзе Рэфармацыі называецца Залатым Векам. Але і сення Беларусь можа стаць месцам, з якога ідэі новай Рэфармацыі пачнуць распаўсюджвацца далей, а ХХІ стагодзьдзе можа стаць Залатым Векам Беларусі, а таксама ўсёй Усходняй Эўропы. А для гэтага нам неабходна сення рэалізаваць ідэі Рэфарацыі на практыцы і правесці розныя мерапрыемства, прысвечаныя 500-годдзю Рэфармацыі.

Запрашаем вас наведаць наступныя падзеі:

  • 25 кастрычніка  ў 19.00 кінавечарына «Лютар»-прэзентацыя выдання 95 тэзаў Лютара па-беларуску (3 Загарадны завулак, 11).
  • 29 кастрычніка ў 18:00 у будынку царквы «Віфанія» пройдзе святочнае мерапрыемтсва, прысвечанае 500-годдзю Рэфармацыі.
  • 31 катрычніка ў 19.00  «Дзень Лютара - Дзень Рэфармацыі» - дзяржаўны камерны хор РБ і сімфанічны аркестр «Capella Academia» (Філармонія пр.Незалежнасці, 50).
Новости – 12 июня 2019
Отпразднуем вместе, нам 28 лет

Отпразднуем вместе, нам 28 лет

«Церковь Иисуса Христа» г.Минска приглашает Вас на праздничное богослужение, посвящённое Дню Рождения нашей общины.
23 июня в 16.00, ул.Ковалева 72
Молитва спасения
Александр Солженицын
Александр Солженицын
(1918-2008)
«Как легко мне жить с Тобой, Господи! Как легко мне верить в тебя!»
Другие новости
Новости – 5 июня 2019
Две мечты Бога. Воскресное богослужение 2 июня

Две мечты Бога. Воскресное богослужение 2 июня

Божья мечта – чтобы каждый человек спасся и достиг познания истины. Господь – активный участник того, что происходит на этой земле. Он не просто хочет, чтобы все спаслись, но и участвует в этом.
Новости – 22 мая 2019
День семьи. Воскресное богослужение 19 мая

День семьи. Воскресное богослужение 19 мая

Главный путь передачи правильных жизненных ценностей детям – взаимоотношения. Они оказывают гораздо большее влияние на духовное развитие детей, чем молитвы, служения и церковь.
Новости – 8 мая 2019
День Израиля. Воскресное богослужение 5 мая

День Израиля. Воскресное богослужение 5 мая

Иисус в Себе Самом объединил церковь и Израиль. Во Христе мы одно. Он уничтожил вражду к израильскому народу. Поэтому мы как церковь продолжаем молиться и благословлять Божий народ. Мир на Израиль!